Ganwyd Cynan Jones (1975) ger Aberaeron, ac mae’n awdur ar bum nofel.
Enillodd ei nofel gyntaf, The Long Dry (Parthian, 2006 ac ailgyhoeddwyd gan Granta, 2014) Wobr Betty Trask a dewiswyd ef fel Cymrawd Scritture Giovani Gŵyl y Gelli yn 2008. Mae The Long Dry wedi ei gyfieithu i’r Arabeg, Albaneg, Ffrangeg, Eidaleg, Twrceg, a chaiff ei gyfieithu i’r Iseldireg yn 2018.
Mae Everything I Found on the Beach (Parthian, 2011 ac ailgyhoeddwyd gan Granta, 2014) wedi ei gyfieithu i’r Ffrangeg, Almaeneg ac Eidaleg.
Enillodd The Dig (Granta, 2014) Wobr Jerwood Fiction Uncovered 2014 a Llyfr y Flwyddyn 2015 yng nghategori ffuglen, ac ar restr hir a fer nifer o wobrau rhyngwladol eraill. Cyrhaeddodd pennod o’r llyfr restr fer Gwobr Stori Fer Banc Preift EFG Sunday Times ac ennill pleidlais y darllenwyr. Mae The Dig wedi ei gyfieithu i’r Armeneg, Iseldireg, Ffrangeg, Almaeneg, Macedonian, Portiwgaleg, Sbaeneg a Thwrceg.
Mae ei nofel Cove (Granta, 2016) wedi ei chyfieithu i’r Iseldireg a chyrhaeddodd rhestr hir ‘Europese Literatuurprijs’, Gwobr Llenyddiaeth Ewropeaidd, ynghyd â The Dig. Mae cyfieithiadau ar y gweill mewn Portiwgaleg a Thwrceg. Mae Cove hefyd wedi cyrraedd rhestr fer Gwobr Llyfr y Flwyddyn 2017. Detholwyd Cove ar gyfer Silff Lyfrau’r Gyfnewidfa yn 2017.
Mae’r tair nofel gyntaf wedi eu cyhoeddi yn yr Unol Daleithiau gan Coffee House, a chyhoeddir Cove yng Ngwanwyn 2018 gan Catapult.
Mae straeon byrion Cynan wedi eu darlledu ar BBC Radio 4 ac wedi eu cyhoeddi mewn nifer o flodeugerddi a chyhoeddiadau gan gynnwys Granta a The New Yorker. Mae hefyd wedi sgriptio pennod o’r ddrama deledu drosedd Y Gwyll, sydd wedi ennill gwobr BAFTA Cymreig.
Enillodd Cynan gystadleuaeth Gwobr Stori Fer Genedlaethol y BBC yn 2017, gyda’i stori fer ‘The Edge of the Shoal,’ sydd yn stori fer ‘delynegol a llawn tensiwn.
‘Stock’ gan Cynan Jones
‘Cynan Jones’s crystal-clear and embedded vision of an ancient rural world clinging on to modernity is redolent of the great John McGahern’
Russell Celyn Jones
Ym mis Mawrth 2022 gwahoddwyd Cynan Jones i ymuno â Rhwydwaith Adrodd Newid Gwledig. Bydd ei ymateb creadigol, y stori fer ‘Stock’, wedi ei gyhoeddi gan Nightjar Press (Mawrth 2023) Mae’r rhifyn hwn wedi gwerthu allan, ond gellir lawrlwytho PDF o’r stori yma.